September 2013

Prinses

11:27 19 September in Rym
0 Comments

Getimmer
en getoor
van agter en van voor
gevroetel
en gevryf
elke haartjie op haar lyf

‘n Mondjie soos ‘n tregter
wat ‘n klokkie-lag uitskink
met wimpers, eintlik wapens
wat ‘n sterk man kan verdrink

Daar’s Guess, Gabbana, Gucci
oor haar heuwels uitgespan
(die geldjie is die moeite werd
‘n man bly maar ‘n man)

Die Adams staan in rye
die Eva-kore sing
want ‘n vrou soos sy
bring lekkerkry
wat vir jare uit bly kring.