November 2013

Driekuns

10:12 19 November in Rym
2 Comments

Sy werksgesig was slim
sy werksgesig was sterk
sy werksgesig moes fokus
want ‘n werksgesig moet werk

sy huisgesig was kaalvoet
sy huisgesig was kind
sy huisgesig was hoopvol
soos ‘n veldbrand in die wind

maar sy hartsgesig was strak
sy hartsgesig was skeel
sy hartsgesig se hande
was heeltyd om sy keel

want ‘n man met drie gesigte
word êrens uitgevang
en die voorbode van vonnis
het hom daagliks opgehang.

Skaapstories

06:47 08 November in Rym
2 Comments

By ‘n landbouskou in Britz
het ‘n boer se oë geflits
want die skaap wou lê
toe die skaap moes pronk
nou’s die skaap ‘n tjop
langs ‘n mieliestronk

by dieselfde skou, om tien
het ‘n vrou die spul gesien
en die boer verkla
van diere haat
toe’s haar rug gebreek
met ‘n ysterplaat

sedert daardie landbou skou
sou die wêreld wel onthou
om stil te staan
en stil te bly
as ‘n boer en skaap
ooit stry sou kry.