Draaiboek

10:35 10 April in Rym
0 Comments

Binne en buite

ons deure en ruite

huise en erwe

lande se skerwe

draai dieselfde aarde om en om

en die mensdom staan vreemd verstom:

Die groot goed lyk anders

die klein goed trek skeef

ons planne bedonnerd

gesondheid verweef

regerings op aandag

horries op hol

en die aarde bly steeds tol en tol

Party werk soos miere

ander raak stil

sommiges oefen

ander bly dril

hierdie een huil net

daardie een skree

my kleinneef in Brakpan rook breakfluid en tee

Binne en buite

ons verstaan en ons planne

sit hierdie ding duidelik in almal se hande

almal se harte

almal se lywe

se werke en kerke en eenmanbedrywe

En die aarde draai

en die mense stop

die groot mallemeule is volgeprop

dit draai om en om

vir ‘n groter kyk

hoe ons binne-buites regtig lyk.

Vorige Inskrywing
Mia Smit

Mia Smit

meerkatkind@gmail.com
No Comments

Post A Comment