Prysenswaardig
05:44 30 July
in Rym
Die wetenskap
van moederskap
is deurtrek met wonderwerke:
groente eet
maniere weet
en stilsit tydens kerke!
Teenage triangle
“He think he’s Ryan Gossling
when he’s much more Kenny-G
I’m not saying he’s not handsome
but the thing is- not to me”
“She digs me
digs me deeply
I am alfa male supreme
a bad-ass and a beauty
I am every lady’s dream”
“Yeah, he’s loud
and proud and pretty
oh-so self obsessed and sure
but in thin unguarded moments
I’ve seen softness at the core.”
Temperatuur
12:52 16 July
in Rym
Jy met die bolwange:
blaas bietjie af?
dis jou warm wind
wat ons stilte straf.
Op Capri se strand
05:05 04 July
in Rym
Jong vet
ou vet
dril vet
droë vet
hang velle
oorbelle
jy sal nie glo as ek oorvertelle!
Napels
Die stad dra sy stories
soos snye op ‘n wang
‘n vroeër tyd se merke
wat hierdie dag behang
Die stad spoel sy mense
op motorfietse uit
teen straatkafeetjie tafels
met middernag jolyt
Die stad hou die hawe
gemaklik op sy skoot
die see speel by sy voete
die deurgang bak sy brood.
Rusplek
11:14 22 June
in Rym
‘n Petrol stasie
stilhou plek
vir voorraad kry
en bene rek
‘n halfweg huis
wat die langpad breek
‘n drom om vuilgoed
weg te neuk
stop met jou motor
stop in jou lyf
stop voor die pad
jou na doodsdrif dryf
stop vir die uitsig
stil nou en weet:
daar is heilige rus
vir jou uitgemeet.
Kleedrepetisie
09:24 12 June
in Rym
Ek het ‘n
geheime jas
(ek dra dit onder my vel)
ek vou die voorkant
dubbeld toe
as die wêreld my ontstel
maar hierdie week het motte
die knope weggekou
en ek sukkel om die storms
van my hartskant weg te hou.
Vir Daandré
15:52 02 June
in Rym
Jou DNA
jou aardse gene
lengte,hare
hande,bene
is deur jou diepste
ingeskryf
van ander lewens
na jou lyf
Jou geestespad
is soortgelyk
met Gods ontwerp
wat oral luik
Sy stem,Sy plan
is reeds gestip
en ons beloof:
te wys,te bid.
Nota
Die rym wat voorheen hier sou staan
leef nou op ‘n boekblad verder aan
want gesonde kinders moet buite speel
koop ´n boek as jy graag in die pret wil deel.