Gebedslys

12:39 14 March in Rym
3 Comments

Om hoop te hê
om hoop te hou
wat my menswees bymekaarhou

A:
Goeie suppliers met ‘n random fix
langtermyn liefde
gereelde kicks
draagbare waarheid
mense wat weet
werk wat ek regtig wil doen
foute vergewe
krag ontdek
‘n rugvryf ‘n vashou ‘n soen.

B:
Meer dinge beter
swaar dinge weg
Jesus so lig soos die son
dankbaar tevrede
‘n duidelike plan
gedoen wat my hart weet ek kon

boekverkope
beter skryf
gedeelde kuns
gesonde lyf
oorsese kuiers
geloof wat hou
‘n lekker date as my vriende trou.

C:
Gereelde buite
gekrimpte bang
kinders wat snaakse stuff aanvang
eerbare leef
om jammer te sê
verhouding wat langer as seks wil lê
die waarste ek in my dag gewees
hardop lag
lekker lees
wegkruiptyd alleen gegun
hartsmusiek
oorbegin

slim ontlonting van loodswaar goed
goeie keuses
mannemoed

om hoop te hê
om hoop te hou
wat dit alles bymekaarhou.

Read More

Eerstens

16:10 08 March in Rym
1 Comment

Die eerste swaeltjie het ingevlieg
kop teen die wind gesak,
haar vasberade vrouevlug
in vlerke uitgetak

Die eerste swaeltjie het aangevlieg
haar spikkellyn gestip,
beloftes van ‘n sonseisoen
in die blousel uitgedrup

Die eerste swaeltjie het weggevlieg
ek skryf haar neer as Somer
orakel van ‘n optimis
of die waansin van ‘n dromer?

Read More

Met laaste lig

14:47 06 March in Weeskinders
0 Comments

Terwyl jy nog hier is
terwyl jy nog nie slaap nie
blaas ek die waarheid van my woorde as hooglied
oor jou klein,
jou kwynende kers

ek besef dat my stem later steeds hoorbaar sal wees
maar slaap het ‘n manier om wie ons is te verskadu
met die vonnis dat ons dit slegs vir ‘n wyle was

en jou lig
jou liefste lig
verdien geen vorm van verdowing nie

terwyl jy nog hier is
terwyl jy nog nie versmelt het tot slaap nie
omring ek jou in dringende teenwoordige tyd
kom skreeu jou lof die hemele uit

Luister berge
luister!
ek het nodig om te wéét ek is gehoor

die groot slaap dreig op die drumpel
om haar sagte lig te smoor.

Read More

Primitief

08:34 26 February in Weeskinders
0 Comments

Ek sou ook graag
in een waansinnige oomblik
uit wou bars en versplinter
in skerp stukkies van al die mense wat ek nooit wou wees nie

myself ontmasker
as agressiewe
kwaadwilligge
onbeheersde
primitiewe
mens

ek sou ook graag
in een rooi oomblik
my stemspies wou slinger
gespys met gifprikwoorde
as laaste ete
van my skoon gewete

ek sou ook graag
deur tyd wou reis
myself verstaan
of vlieg

dis dieselfde waas onwerklikheid
dis dieselfde lawwe lieg.

Read More

Huisraad

08:15 26 January in Rym
0 Comments

Wekkerklokker teen my kop
sonkrag lig die hemel op
katskreeu padlangs na kombuis
‘n nuwe dag, dieselfde huis

oefenklere aangespan
sweetloopstrepe lek
dagsê aan die hoër man
foondier brom sy bek

lysiesskrywend taakgerig
die opvolg-aanhelp-dans
die bedelmaag sluip stadig in
verskeur sy honger kans

dis ‘n nuwe dag in dieselfde huis
elke kamer reeds beset
werkend slapend speel ontwakend
voorspelbare verset

pak die kamers vol en voller
weeg die uurglas uit en in
dan bad en bid en bedlangs na
die sagte uitroepsin

maar more wag ‘n landmyn
wat die dak en drumpel skeur
jou oë skiet die dag oop
kyk!
die fyntrap woed alweer.

Read More

Moses

09:44 20 January in Rym
2 Comments

Toe jou moed soos ‘n stoombol weggedamp het
en jou kwaad daai klippe dóód wou kap
die beloofde land van jou hand weerhou is
en jy sleepvoet hangoog weg moes stap.

Moses, toe jou mense die woestyn gestreep het
Moses, toe die kalf in die oopdag blink
Moses, toe jy sonder hande
God se beker uit moes skink.

Het jy onthou hoe die rooisee oopgetrek het?
Het jy steeds Sy hand teen jou rug gevoel,
toe die menslike onmoontlikheid
soos ‘n soutbad oor jou wonde spoel?

Read More

The Voice of Truth

12:59 16 January in Rhyme
0 Comments

He was a prophet
she was a spy
he knew all things
she lived a lie
they found a plot
they pitched a tent:
“Tomorrow and the truth for rent.”

the people came
their futures told
all secrets shared
beware, behold!
the coming days
the hidden things
your joys and hopes
your sufferings

but prophets live to tell the truth
and spies will die to hide it
with tick of time
despite the rhyme
their tongue became divided

he prayed to God
she phoned the state
“forgive-forget”
“manipulate!”
the spotlight fell
so clear to see
their future’s fading harmony

because he was still
a prophet
because she was still
a spy
and the heart of truth
should share a voice
or its living is
a lie.

Read More