Uitgelewer

20:41 10 November in Weeskinders
1 Comment

Jy my kind,

wat met jou oë so wawyd oop gebore is

en alleen die vloek en die seën van jou sienendheid op aarde bly uitsweet

 

jy my kind

met die waterheid van jou gedagtes

wat so dorstig driftig deur al die mensdom se onmoontlike dinkspasies  bly delf

 

jy my kind

met die murglikheid van jou klokwerk

wat so oopkoord lewendig in jou binnewerke vas bly brand

 

vir jou bring ek al die asems van een leeftyd se uitblaas

ek stapel al my weet van hierdie wêreld in sagte bollings op

ek gooi my hart uit as ‘n vangnet vir verlossing

en ek klem my vuiste

in  vasberade

hoopvolle

verbetenheid vir jou vas:

 

God!

Bewaar my kind

bewaar my kind teen die  las.

Vorige Inskrywing
Mia Smit

Mia Smit

meerkatkind@gmail.com
1Comment
  • Anonymous 07:57h, 11 November Reply

    Jy skryf so na my hart

Post A Comment